Bordi i Transparencës ka vendosur këtë të martë, 16 qershor 2026, çmimet e reja të tregtimit të karburanteve në vend.
Sipas vendimit, nafta do të tregtohet me pakicë me çmim jo më të lartë se 180 lekë për litër, ndërsa me shumicë jo më shumë se 168 lekë për litër.
Ndërkohë, benzina do të shitet me pakicë me çmim maksimal 168 lekë për litër, ndërsa me shumicë jo më shumë se 156 lekë për litër.
Çmimet e reja kanë hyrë në fuqi sot, më 16 qershor, në orën 14:00 dhe do të mbeten të vlefshme deri në vendimin e ardhshëm të Bordit të Transparencës.
Autoritetet kanë paralajmëruar operatorët e tregtimit me shumicë dhe pakicë të nënprodukteve të naftës se zbatimi i këtij vendimi është i detyrueshëm. Në rast të konstatimit të shkeljeve, do të merren masa deri në pezullimin e aktivitetit të subjektit përkatës.
