Detaje të reja janë zbradhur nga përplasja fizike brenda kafazit të xhamtë sot në sallën e GJKKO-së.
Mësohet se Kristi Bushgjoka është ngritur në këmbë brenda kafazit të qelqtë, duke i thënë gjakatës: Me leje gjyqtar.
Gjyqtari ka menduar se Kristi do merrte fjalën por ai menjëherë i është drejtuar Petrit Çakrrit, duke e sulmuar me grushta, pas tij edhe dy vëllezërit e tjerë Fation dhe Aleksandër Bushgjoka.
Tre vëllezërit kanë sulmuar njëkohësisht Çakrrin derisa është bërë i mundur neutralizimi nga shërbimet e sigurisë. Çakrri mësohet de gjatë procesit ka implikuar vëllezërit Bushgjoka në vrasjen e Renis Dobrës, teksa për veten nuk ka pranuar përgjegjësinë, që ka agravuar përplasjen.
Mësohet se Çakrri është goditur me shkelma, grushta dhe ka marrë dëmtime fizike.
Në momentin e sulmit kanë qenë 4 – 5 punonjës sigurie por më pas është dashur ndërhyrja e forcave të tjera policore.
Vrasja e 23-vjeçarit Renis Dobra ndodhi në korrik të vitit 2025 dhe dyshohet se u krye për prishjen e pazareve të drogës. I riu u mor peng, u mbyt me litar dhe u hodh në Liqenin e Shkopetit (Ulzë) së bashku me makinën e tij. Për ngjarjen u arrestuan katër persona, të akuzuar si grup i strukturuar kriminal.
