Policia e Shkodrës ka arrestuar njërin prej autorëve që dyshohet se ka marrë pjesë në dhunimin e drejtorit të AKU Shkodër, Ramir Haderi.
Në pranga ka rënë një shtetas me emrin Elis Çela, banues në lagjen “Kiras” në Shkodër. Ky shtetas i ndaluar nga efektivët e Shkodrës dyshohet se është personi i cili ka dërguar me automjet, personin tjetër që ka goditur me send të fortë drejtorin e AKU Haderi.
Ndërkohë policia e Shkodrës ka bërë identifikimin edhe të personit tjetër që dyshohet si autori kryesor që ka dhuniar drejtorin Haderi dhe është shpallur në kërkim ndërsa po punohet për gjetjen dhe kapjen e tij.
Ngjarja ndodhi më 21 maj në orët e mbrëmjes kur në lagjen “Rus” drejtori i AKU Ramir Haderi u godit nga një person dhe më më pas u largua në drejtim të paditur.
Drejtori Haderi mori një plagë në vetull dhe pas mjekimit në spital u largua në shtëpi.
