Një 56-vjeçar është gjetur pa shenja jete mëngjesin e kësaj të diele në ujërat e lumit Mat, në zonën e Zenishtit.
Viktima është identifikuar si Flamur Kolmarku, ish-oficer i Gardës së Republikës, i cili prej disa kohësh rezultonte i larguar nga banesa e tij në Tiranë.
Sipas informacioneve paraprake, trupi u pikas nga banorë të zonës, të cilët njoftuan menjëherë policinë dhe shërbimet e emergjencës.
Nga verifikimet e para nuk janë konstatuar shenja dhune në trupin e viktimës. Hetuesit dyshojnë se 56-vjeçari ka humbur jetën si pasojë e mbytjes në ujë, ndërsa shkaku i saktë do të përcaktohet pas ekspertizës mjeko-ligjore.
