Vala e protestave të diasporës shqiptare kundër qeverisë është shtrirë edhe në Shtetet e Bashkuara të Amerikës, ku shqiptarë të shumtë janë mbledhur përpara Ambasadës së Shqipërisë në Uashington DC.
Tubimi në kryeqytetin amerikan vjen si pjesë e një serie protestash të organizuara në disa vende të Europës dhe më gjerë, përfshirë qytete si Vjena, Berlini, Milano dhe Stokholmi.
Pjesëmarrësit në protestë kanë artikuluar thirrje kundër qeverisë, duke kërkuar dorëheqjen e kryeministrit Edi Rama. Disa prej protestuesve kanë shkuar edhe më tej me kërkesa për hetimin dhe arrestimin e tij, duke e akuzuar për përgjegjësi në situatën politike dhe sociale në vend.
