Homazhet në nder të efektivit të policisë Enea Mekolli, i cili humbi jetën dje gjatë një operacioni policor, janë shoqëruar me momente tensioni. Mes dhimbjes për humbjen e 36-vjeçarit, familjarët e tij kanë shprehur hapur zemërimin ndaj institucioneve shtetërore, duke kërkuar përgjegjësi për ngjarjen tragjike.
Gjatë vizitës së Presidentit Bajram Begaj për t’i shprehur ngushëllimet familjes, xhaxhai i efektivit të ndjerë e ka ndalur kreun e shtetit dhe i është drejtuar me tone të ashpra, duke ngritur shqetësimin për rritjen e kriminalitetit dhe mungesën e sigurisë.
Ai deklaroi se autori i dyshuar kishte qenë prej vitesh në kërkim dhe se shteti kishte dështuar ta vinte përpara drejtësisë.
“E latë këtë vend në dorë të krimineleve. Na mbylli derën, mos i lini kriminelet. Ka patur tre herë tentativë për ta arrestuar, duhet të merrni masa, po na vrisni, bëhuni te zotë, e late këtë vend në dorë të krimineleve, po sundojnë kriminelet në çdo cep të Shqipërisë. Nuk dominion policia por dominon krimi. Na fundoset. Na çuat në fund. Nuk kishte masa mbrojtëse.”, tha xhaxhai, ndërsa Begaj nuk ka bërë asnjë reagim, por e ka përqafuar.
