Policia zbardhi detaje zyrtare lidhur me aksidentin e ndodhur sot në aksin rrugor Librazhd–Elbasan.
Përmes një njoftimi zyrtar, policia ka bërë me dije se viktima është një shtetas kinez, 33-vjeç.
Si pasojë e aksidentit janë plagosur edhe katër persona.
Njoftimi i policisë
Ngjarja ka ndodhur rreth orës 14:50, ku një automjet i drejtuar nga shtetasi kinez T. H., 33 vjeç, është përplasur me një automjet tjetër me drejtues shtetasin V. M., 26 vjeç.
Si pasojë e përplasjes, ka humbur jetën drejtuesi i automjetit, shtetasi kinez T. H. Ndërkohë, është dëmtuar edhe drejtuesi i mjetit tjetër, V. M., si dhe tre pasagjerë që ndodheshin në automjete. Të plagosurit janë transportuar në spital për të marrë ndihmën mjekësore.
