Kreu i Policisë së Lezhës, Arben Nasufi ka dhënë detaje në lidhje me atentatin e regjistruar pasdite e sotme, në Balldren të Lezhës, ku u ekzekutuar me armë zjarri Kreshnik Mujeci dhe gruaja e tij.
Deri më tani policia thotë se nuk ka dijeni kush janë autorët, ndërsa deklaron se po grupi hetimor po punon për identifikimin dhe kapjen e tyre.
“Sot rreth orës 14:50 minuta, në sallën operative të drejtorisë vendore të policisë Lezhë ka mbërritur një informacion për të shtëna me armë në Balldre. Menjëherë shërbimet e policisë kanë mbërritur në vendngjarje. Është konstatuar që mjeti është goditur me breshëri armësh në lëvizje. Mjekët kanë konfirmuar për dy humbje jetësh, një burrë dhe një grua. Lajmi është shumë i rëndë. Po punojmë për kapjen e autorëve”, u shpreh Nasufi.
