Kryetari i Partisë Demokratike, Sali Berisha, ka akuzuar ish kreun e Prokurorisë së Posaçme (SPAK), Altin Dumani, për falsifikim dokumentesh dhe pasuri të pajustifikuar, duke u fokusuar në mënyrën e blerjes së një apartamenti në Tiranë.
Sipas denoncimit të bërë publik nga Berisha, i cili paraqiti edhe dokumente mbështetëse, Dumani ka nënshkruar një kontratë porosie për një apartament 127 metra katrorë më 18 gusht 2006. Problemi, sipas Berishës, qëndron në faktin se vetë Dumani ka deklaruar se kishte filluar të jetonte në të njëjtin apartament që nga tetori i vitit 2004, pra dy vite para nënshkrimit të kontratës.
Berisha theksoi se një ‘kontratë porosie’ përdoret për blerjen e një prone kur ajo është ende në proces ndërtimi, çka e bën kronologjinë e paraqitur nga kreu i SPAK të pamundur.
Berisha: Tani ka gjëra shumë interesante.
Ju jeni dëshmitarë se kam denoncuar para jush Altinin me katër banesa.
Si e gjora e Edi Ramës, Linda e AKSHI-t me katër prona, që banon me qira.
Jo Linda e Surrelit, Linda e AKSHI-t.
Edhe ky, nëpunës i shtetit, me një rrogë dhe rrogën e zonjës, arrin të bëhet me katër banesa.
U garantoj se kurrë me rrogë të shtetit nuk mund të blesh në 30 vite se një garsionere apo të themi një dhomë e kuzhinë.
Jo, merreni dhe shiheni, bëni hesapet, kaq është.
Por dëgjoni se çfarë thotë Altin Gjoka. Është e fortë shumë kjo.
Deklaron se kemi filluar të banojmë në apartamentin e tyre prej tetorit të vitit 2004.
Dëgjojeni tani, mbajeni mend këtë, prej tetorit të vitit 2004.
Dhe pastaj thotë, po si e sigurova apartamentin tani?
Hyri në apartament në tetor të vitit 2004, por çfarë pagove, çfarë titulli kishe, ku e more?
A bukur shumë, këto vetëm tek ky mund t’i gjesh.
E mora me kontratë porosie për blerje apartamenti. Kontratë porosie është kur ti e porosit në ndërtim, nuk është ndërtuar, ti jep paratë në ndërtim, me sipërfaqe 127 metër katrorë, po me ç’datë thoni ju?
Thotë banoj nga viti 2004, porosinë e ka Altin Gjoka me 18.08.2006.
Pra, e kuptoni ju, në apartamentin që banon nga viti 2004, thotë se e porosita në vitin 2006?
A mund të ketë falsifikim më të paskrupullt?
Pra, kontratë porosie për blerje apartament banimi 127 metër katrorë me datën 18.08.2006.
