Inspektorati Mbrojtjes së Territorit ka shembur një farmaci në Tiranë, e cila ishte ndërtuar pa leje dhe pengoi ndërhyrjen e zjarrfikësve disa ditë më parë kur një pallat u përfshi nga zjarri pranë QSUT.
Objekti në fjalë bllokonte rrugën pranë një pallati, fasada e të cilit u përfshi nga flakët. Për shkak të këtij ndërtimi, një prej automjeteve zjarrfikëse nuk mundi të kalonte për të kryer operacionin e shuarjes së zjarrit në kohë.
Vendimi për prishjen e farmacisë erdhi si pasojë e drejtpërdrejtë e pengesës që i shkaktoi operacionit të shpëtimit, duke nxjerrë në pah rrezikun e ndërtimeve pa leje në zonat urbane.
