Tension dhe skena dhune kanë shëmtuar ndeshjen e Kategorisë së Dytë mes Orikut dhe Bylis B, e luajtur këtë të diel në stadiumin “Adush Muça”.
Takimi u përshkallëzua me përplasje fizike mes lojtarëve, duke detyruar ndërhyrjen e forcave policore për të rivendosur qetësinë.
Në qendër të incidentit ishte mesfushori me përvojë i Orikut, Bruno Telushi.
Siç tregohet edhe në foto, 35-vjeçari, i njohur për të kaluarën e tij te Partizani, është shoqëruar nga policia pas përfshirjes në konflikt.
