Katër persona kanë vdekur në brigjet e Francës veriore, pasi u përpoqën të kalonin Kanalin Anglez.
Kështu raportojnë media ndërkombëtare duke cituar autoritetet lokale.
“Një varkë u fundos sot. Situata është ende duke u vlerësuar”, thanë autoritetet lokale franceze në Kale, në një deklaratë për shtyp të transmetuar nga Reuters.
Nuk dihet ende kombësia e tyre. Mediat franceze raportojnë se gjatë tre viteve të fundit, kalimet në Kanal janë rritur, me mbi 41 mijë njerëz që kanë mbërritur në Mbretërinë e Bashkuar me gomone në vitin 2025.
Shqiptarët që kalonin ilegalisht kanalin u shndërruan në një problem serioz nga qeveria e Londrës, por tashmë trendi i emigracionit nga vendi ynë ka rënë ndjeshëm. Midis 1 janarit dhe 26 marsit 2026, një total prej 4,441 personash kaluan Kanalin Anglez me gomone nga Franca.
