Një ngjarje e rëndë ka ndodhur pasditen e sotme në qytetin e Shkodrës.
Një 76-vjeçar ka humbur jetën pasi është vetëhedhur nga lartësia.
Policia bën me dije se ngjarja ka ndodhur rreth orës 15:10, në lagjen “Salo Halili”.
Shtetasi A. Sh., banues në këtë lagje, dyshohet se në kushte depresioni ka kryer aktin fatal duke u hedhur nga pallati ku jetonte.
Si pasojë, ai ka humbur jetën në vend.
Grupi hetimor ndodhet në terren dhe po punon për zbardhjen e plotë të rrethanave të rastit.
