Është njoftuar mëngjesin e së hënës nga familja e tij vdekja e ish-kryeministrit të Francës, Lionel Jospin. Sipas njoftimit, Lionel Jospin u nda nga jeta në moshën 88-vjeçare.
Jospin ka shërbyer gjithashtu si ministër i Arsimit në fund të viteve 1980 dhe në fillim të viteve 1990. Si Sekretar i Parë i Partisë Socialiste, ai doli fitues pas shpërndarjes së Asamblesë Kombëtare, vendim i marrë nga Jacques Chirac në vitin 1997.
Më pas ai drejtoi qeverinë për pesë vite, duke udhëhequr koalicionin e “Së Majtës Pluraliste”, i cili bashkoi forca të ndryshme politike përtej socialistëve.
Si kryeministër, Jospin zbatoi reforma të rëndësishme, si java 35-orëshe e punës, Mbulimi Universal Shëndetësor (CMU) dhe Pakti i Solidaritetit Civil (PACS), që u mundëson çifteve heteroseksuale dhe homoseksuale të lidhin një marrëveshje bashkëjetese pa martesë.
Në vitin 2002 ai kandidoi për herë të dytë për president. Përballë një numri të madh kandidatësh nga e majta, nuk arriti të kalojë në raundin e dytë të zgjedhjeve.
