Dega e Doganës Durrës ka bllokuar një sasi të konsiderueshme produktesh ushqimore jashtë afateve të përdorimit, gjatë një kontrolli fizik të ushtruar në një piceri në qytet.
“Gjatë kontrollit fizik në ambientet e një subjekti tregtar të pajisur me autorizim për përdorimin e Regjimit të Përpunimit Aktiv, ka bllokuar mallra që u kishte kaluar afati i përdorimit, referuar datës së skadencës”, njoftoi Dogana Durrës.
Sipas raportimeve nga punonjësit e doganës janë bllokuar 2.500 kg miell orizi, me datë skadence 01.04.2025 dhe 5.150 kg miell për pica, me datë skadence 07.04.2025. Në total, bëhet fjalë për 7.650 kilogramë miell që rezultonte jashtë afatit të përdorimit, referuar datave të skadencës të shënuara në produkt.
Sipas njoftimit, Dogana e Durrësit ka nisur procedurat përkatëse për asgjësimin e mallit të bllokuar.
