Një foshnjë ka ndërruar jetë në Francë, ndërsa autoritetet po hetojnë nëse rasti lidhet me konsumimin e qumështit formulë për bebe. Sipas mediave vendase, ky është rasti i tretë i raportuar në një periudhë të shkurtër kohe.
Deri tani, shkaku i saktë i vdekjeve nuk është përcaktuar. Hetimi gjyqësor është në vijim për të verifikuar nëse ekziston lidhje mes produkteve të tërhequra nga tregu dhe rasteve të raportuara.
Që nga mesi i dhjetorit, dhjetëra lote qumështi formulë janë tërhequr në disa vende. Tërheqja e parë përfshiu produkte të kompanisë Nestlé, për shkak të pranisë së mundshme të toksinës seroulide.
Më pas, tërheqje të ngjashme janë njoftuar edhe nga kompani të tjera të mëdha si Danone dhe Lactalis.
Sipas ekspertëve, seroulide është një toksinë që mund të shkaktojë të vjella dhe komplikacione serioze, veçanërisht te foshnjat.
