Policia e Vlorës ka sekuestruar dy automjete të dyshuara si të vjedhura dhe lëndë djegëse, të cilat dyshohet se do të përdoreshin për kryerjen e një ngjarjeje të rëndë kriminale.
Strukturat e Drejtorisë Vendore të Policisë Vlorë kanë ushtruar kontrolle në aksin rrugor dhe në territorin e fshatit Babicë e Madhe, pas informacioneve të siguruara mbi dy automjete të dyshuara.
Gjatë kontrolleve, janë konstatuar të fshehura në një sipërfaqe ullishteje dy automjete, konkretisht: një automjet tip “Nissan”, me targa të huaja; një automjet tip “Audi Q5”, me targa të huaja.
Pranë automjeteve janë gjetur dhe sekuestruar 3 bidona me benzinë. Nga veprimet e para hetimore dyshohet se mjetet do të përdoreshin për kryerjen e një atentati.
Automjetet dhe provat materiale janë sekuestruar dhe po i nënshtrohen ekzaminimeve shkencore.
