Reshjet e dendura të shiut kanë shkaktuar përmbytje edhe në zonën e Qeparos, ku vërshimi i ujit ka përfshirë rrugë, toka bujqësore dhe disa banesa.
Sipas raportimeve, situata më problematike paraqitet në lagjes Valta, ku intensiteti i lartë i reshjeve në një kohë shumë të shkurtër e ka bërë të pamenaxhueshme gjendjen, ndërsa infrastruktura kulluese nuk ka arritur të përballojë fluksin e madh të ujit.
Raportohet se strukturat përkatëse ndodhen në terren dhe po punojnë për pastrimin dhe ç’bllokimin e kanaleve nga dheu dhe materialet inerte të sjella nga vërshimi i përrenjve.
