Një email në dosjen e Jeffrey Epstein, e deklasifikuar së fundmi nga autoritetet amerikane, përmend përzgjedhjen e disa vajzave të reja për punë, mes të cilave edhe një vajzë shqiptare.
Dokumenti mban datën 29 mars 2017 dhe është pjesë e materialeve të sekuestruara dhe të administruara nga drejtësia amerikane në kuadër të hetimeve ndaj Epstein dhe rrjetit të tij.
Në email flitet për “kandidatët kryesorë”, të cilët i prezantohen një personi tjetër për vlerësim. Për secilën vajzë jepen detaje që lidhen jo vetëm me arsimin apo statusin e vizës, por edhe me gatishmërinë për të kryer çdo lloj pune që mund t’u kërkohej.
Një nga përshkrimet i referohet një vajze ruse 21-vjeçare, ku theksohen pamja e jashtme dhe disponueshmëria e saj, ndërsa në të njëjtin email përmendet edhe një vajzë shqiptare.
Sipas tekstit, vajza shqiptare “do të bënte çdo lloj pune”, por nuk konsiderohet e përshtatshme për shkak të “komplikimeve me dokumentet”.
Në email përmendet gjithashtu se ekzistojnë video prezantuese të kandidateve, të cilat i janë dërguar marrësit të mesazhit.
“Kandidatë të tjerë janë gjithashtu në kërkim, por nuk jetojnë në Nju Jork. Vajza shqiptare do të bëjë gjithashtu të gjitha llojet e punëve që dëshironi ju të bëjë. Por ajo është shumë e ndërlikuar për sa i përket dokumenteve. Ke videon për ty”, thuhet në emailin pjesë e dosjes.
