Gjykata e Gjirokastrës ka caktuar masën e sigurisë “arrest me burg” për Kelmend Kursën, i cili akuzohet për abuzim seksual me vajzën e mitur të partneres së tij.
Vendimi është marrë sot, më 28 janar, ku trupi gjykues, pranoi kërkesën e Prokurorisë pranë Gjykatës së Gjirokastrës duke vlerësuar si të ligjshëm arrestimin në flagrancë dhe caktimin e masës shtrënguese “arrest në burg”, ndaj tij.
“Gjykata e Shkallës së Parë e Juridiksionit të Përgjithshëm Gjirokastër ka vendosur masën e sigurisë “arrest me burg” për shtetasin K.K., i dyshuar për kryerjen e veprës penale “marrëdhënie seksuale ose homoseksuale me të mitur”, të parashikuar nga neni 100/2 i Kodit Penal”, thuhet në vendim.
Ishte 12-vjeçarja ajo e cila kallëzoi në Policinë e Gjirokastrës se është abuzuar seksualisht nga njerku i saj. Denoncimi është bërë më 25 janar, kur vajza është paraqitur në Komisariatin e Policisë e shoqëruar nga e ëma.
Sipas burimeve zyrtare, nëna dhe vajza ishin paraqitur edhe një më herët në komisariat, por ishin tërhequr pa depozituar kallëzim.
39 vjeçari jetonte në një banesë me qira dhe ishte me precedent penal. Pasi së bashku me të vëllanë binjak, është vënë nën akuzë edhe në lidhje me vrasjen e babait të vajzës së mitur, A.L, në vitin 2018.
Burime pranë hetimit bëjnë me dije se familja jetonte në kushte të vështira ekonomike. Nëna e të miturës nuk ishte e punësuar, ndërsa i dyshuari punonte ku gjente
