Pas përmbytjeve masive që pushtuan banesa, dhjetëra ha tokë dhe që i morën jetën një njeriu, Edi Rama është kujtuar të shkojë në Durrës.
Burime për mediat bëjnë me dije se ditën e shtunë, më 17 janar, Rama do të zhvillojë një mbledhje në Golem me kryetarët e bashkive.
Sipas raportimeve në fokus të kësaj mbledhjeje do të jetë miradministrimi i territorit, ndërkohë që gjysma e këtij të fundit u fundos pak ditë më parë si pasojë e vjedhjeve të bëra me hidrovoret dhe sistemet e kanalizimeve.
Megjithatë kjo nuk është hera e parë që Edi Rama kujtohet ‘pas pilafit’ për miradministrimin e territorit, si në rastin e përmbytjeve ashtu dhe në rastin e zjarreve.
