Tetë persona janë arrestuar pas arratisjes së Altin Ndocit nga spitali i Durrësit, një ditë më parë. Mes të arrestuarve janë kryeinfermieri dhe zëvendës shefi i komanduar i policisë.
Ndoci u dërgua në Spitalin Infektiv të Durrësit për të marrë ndihmë mjekësore, pasi kishte shfaqur probleme. Pamjet filmike tregojnë se Ndoci është shoqëruar në ambientet e spitalit pa pranga në duar, me dy efektivë.
Në momentin e arratisjes ai ka kërkuar të shkojë në tualet dhe fill pas kësaj, ka goditur me grusht efektivin që e shoqëronte dhe më pas është arratisur.
