Policia e Shtetit ka arrestuar dy persona të dyshuar për vjedhje në disa dyqane në Tiranë.
Të arrestuarit janë shtetasit E. C., 38 vjeç dhe M. F., 40 vjeç, banues në Durrës. Sipas hetimeve, gjatë kësaj jave ata dyshohet se kanë vjedhur para dhe pajisje elektronike në tre dyqane në zona të ndryshme të kryeqytetit.
Ngjarjet dyshohet se kanë ndodhur më 15, 17 dhe 19 dhjetor, përkatësisht në zonat Yzberisht, rruga “Bardhyl” dhe Rruga e Kavajës.
“Në kuadër të veprimeve hetimore dhe operacionale, të kryera menjëherë pas kallëzimeve të qytetarëve, për vjedhje të pronës/pasurisë së tyre, shërbimet e komisariateve të Policisë Nr. 4 dhe Nr. 2 finalizuan operacionin e koduar “Duo”, gjatë të cilit u lokalizuan, u kapën dhe u vunë në pranga shtetasit E. C., 38 vjeç dhe M. F., 40 vjeç, të dy banues në Durrës.
Nga hetimet dyshohet se 2 shtetasit, më datë 15.12.2025, kanë vjedhur 8 pajisje elektronike, në një dyqan në Yzberisht, më datë 17.12.2025, kanë vjedhur një shumë parash, në një dyqan në rrugën “Bardhyl”, dhe më datë 19.12.2025, kanë vjedhur 1 pajisje elektronike, në një dyqan në Rrugën e Kavajës.“, njofton policia.
