Një 38-vjeçar i identifikuar si Enis Duro është shpallur në kërkim nga policia e Elbasanit pasi ka përplasur me makinë një 47-vjeçar dhe më është konfliktuar me të fizikisht.
Sipas Policisë, shtetasi Orlando Kamami, ndodhej në trotuar kur është përplasur nga automjeti që drejtohej nga Enis Duro. Më pas Kamami dhe Duro janë konfliktuar fizikisht dhe pas kësaj ky i fundit është larguar menjëherë nga vendi i ngjarjes.
Kamami ndodhet në spital jashtë rreziku për jetën, ndërsa policia ka sekuestruar automjetin e 38-vjeçarit ku brenda janë gjetur 1 thikë, 1 kosore me bisht metalik, një sasi lënde e dyshuar narkotike cannabis sativa dhe 1 celular.
“U referuan materialet në Prokurori dhe u shpall në kërkim shtetasi E. D., 38 vjeç, pasi për motive të dobëta dyshohet se ka goditur me automjet shtetasin O. K., 47 vjeç, i cili ndodhej në trotuar dhe më pas u konfliktuan fizikisht. Pas konfliktit, 38-vjeçari është larguar menjëherë nga vendi i ngjarjes. Shtetasi O. K. është në kujdesin e mjekëve, jashtë rrezikut për jetën.
Në vendin e konfliktit u gjet dhe u sekuestrua automjeti i shtetasit E. D.; brenda tij, gjatë kontrollit, u sekuestruan 1 thikë, 1 kosore me bisht metalik, një sasi lënde e dyshuar narkotike cannabis sativa dhe 1 celular. Po punohet për kapjen e shtetasit E. D.”, thuhet në njoftimine Policisë.
