Aksion kundër lojërave të fatit në Korçë dhe Pogradec, arrestohen 2 administratorë lokalesh
Policia e Korçës ka zhvilluar një operacion kundër lojërave të fatit. Sipas policisë, janë zbuluar 5 lokale në Korçë dhe në Pogradec të cilat ishin vënë në dispozicion të organizimit të kundërligjshëm të lojërave të fatit.
Nga ky aksion janë arrestuar dy administratorë lokale, në Korçë dhe në Pogradec. Ndërsa janë proceduar penalisht edhe 6 shtetas të tjerë, administratorë dhe punonjës të lokaleve.
Materialet procedurale iu referuan Prokurorisë së Korçës, për veprime të mëtejshme.
