Niko Peleshi ka refuzuar interpelancën urgjente me kryeministrin Rama të kërkuar nga Partia Demokratike, për pezullimin e Belinda Ballukut.
Peleshi e refuzoi me argumentin se çështja është në Gjykatën Kushtetuese.
“Kërkesa nuk duhet pranuar, sepse çështja është nën hetim në Gjykatën Kushtetuese. Çdo përpjekje për të nxjerrë një vendim politik, para se të jepet vendimi kushtetues mund të ndikojë te ligji. Argumentet i kam parashtruar në shkresën e paraqitur më herët”, tha Peleshi.
Në rend dite janë disa projektligje, mes tyre ai për disa shtesa dhe ndryshime në ligjin për Avokatin e ri të Popullit.
