Faza e Ligës së Champions po hyn në një moment kritik pas një vorbulle ndeshjesh që ka ndikuar ndjeshëm renditjen. Me vetëm tri ndeshje të mbetura, ekipet po rishikojnë strategjitë dhe objektivat e tyre.
Superkompjuteri i Optas ka parashikuar se kush do të sigurojë kualifikimin për fazën e 1/8-tës. Rezultatet e fundit tregojnë për një ngritje të Real Madridit, ndonëse Barcelona ka pësuar rënie. Sipas parashikimeve, Arsenal është vendosur në krye të renditjes, duke u konsideruar si ekipi më i besueshëm evropian nën drejtimin e Mikel Artetës. Bajern, përkundër një humbjeje nga Arsenal, vazhdon të mbajë statusin e njërit nga skuadrat më efektive në Evropë.
Paris SG mbyll podiumin, duke e forcuar pozitat nën drejtimin e Luis Enrike. Një zhvillim i rëndësishëm është ngritja e Real Madridit në vendin e katërt, falë fitores ndaj Olimpiakosit, duke rritur besimin në skuadrën e Alonsos. Interi ndodhet në vendin e pestë, ndërsa Man.Siti mban vendin e gjashtë.
Vendet e fundit kualifikuese automatike, sipas Optas, janë rezervuar për Çelsin e B.Dortmund, të cilët kanë arritur rezultate të rëndësishme në ndeshjet e fundit. Superkompjuteri parashikon se ekipe të njohura si A.Bilbao, Benfika, Vilareal dhe Ajaks do të përballen me eliminimin, pasi ndodhen nën vendin e 24-të në renditje. Me tre ndeshje të mbetura, tensioni dhe konkurrenca janë më të larta se kurrë, duke e bërë këtë faze mjaft interesante.
