Gazment Bardhi, kreu i grupit parlamentar të PD, është përjashtuar me 15 ditë nga punimet e Kuvendit.
Kërkesa u dorëzua nga socialistët të cilët pretenduan se Bardhi ofendoi kryeparlamentarin Niko Peleshi.
Në seancën plenare të së enjtes, Bardhi iu drejtua Peleshit duke i thënë ‘je i paaftë’. Kryetari i Kuvendit e përjashtoi nga seanca, por Bardhi nuk u largua.
PS ka kërkuar 30 ditë përjashtim, por Sekretariati për Procedurat, Votimin dhe Etikën vendosën vetëm 15 ditë.
