Komiteti Drejtues i Dhomës së Avokatisë së Shqipërisë ka reaguar ashpër pas arrestimit të avokatit Ulian Barjami, pasi e cilëson ngjarjen si “tepër të rëndë”.
Në një vendim të marrë unanimisht, Dhoma ka vendosur bojkot të përgjithshëm të proceseve penale në të gjithë vendin nga data 20 deri më 25 tetor.
Avokatët do të bojkotojnë të gjitha proceset penale, si në fazën e hetimit ashtu edhe në gjykim, përfshirë edhe ato në Gjykatën Kushtetuese.
Përjashtim do të bëjnë vetëm çështjet që kanë për objekt caktimin, ndryshimin ose shuarjen e masave të sigurimit.
