Një ngjarje e rëndë ka ndodhur në afërsi të Megatek, tek mbikalimi i Domjes, ku një person është plagosur me armë zjarri.
Fabio Arifaj, 25 vjeç, ka marrë një plumb në këmbë pas një konflikti për motive të dobëta si dhe është dëmtuar dyshohet me sende të forta shtetasi Grisjan Latifaj, rreth 22 vjeç, i cili po merr mjekim në spital.
Ndërsa bëhet me dije se i plagosuri nuk është treguar bashkëpunues me policinë, e cila është duke mbikëqyre kamerat e sigurisë.
“Rreth orës 13:50, tek mbikalimi i Domjes, gjatë një konflikti për motive të dobëta dyshohet se është plagosur me armë zjarri në këmbë shtetasi F. A., rreth 25 vjeç, i cili ndodhet në spital, jashtë rrezikut për jetën si dhe është dëmtuar dyshohet me sende të forta shtetasi G. L., rreth 22 vjeç, i cili po merr mjekim në spital, jashtë rrezikut për jetën.”- njofton policia.
Shërbimet e Policisë kanë ngritur pika kontrolli në hyrje/dalje të kryeqytetit dhe vijojnë kontrollet në zonë e në ambiente të ndryshme, për kapjen e autorit/ve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave dhe dokumentimin ligjor të rastit.
