Policia e Durrësit ka proceduar penalisht në gjendje të lirë për akuzën e kanosjes për shkak të detyrës shtetasin Vullnet Muça alias Muharremi.
Mësohet se ky i fundit është vëllai i personazhit të njohur të botës së krimit Pëllumb Muharremit alias Aleksandër Lahos, i njohur si “Rrumi i Shijakut”.
Burime për mediat bëjnë me dije se Vullnet Muça alias Muharremi ka kërcënuar drejtorin e spitalit të Durrësit dhe është shoqëruar për 5 orë në Polici, ku më pas është lënë sërish i lirë.
Sipas po të njëjtave burime, mësohet se kanosja lidhet me një vendim të drejtorit për të kaluar motrën e Vullnet Muçës (Muharremit) infermiere nga njëri pavion në tjetrin.
Kujtojmë se “Rrumi i Shijakut” është prej vitesh në kërkim nga drejtësia, ku ai është dënuar me dy vite burg nga Apeli, pasi i kishte dhënë zyrtarit të Avokatit të Shtetit, Irgen Kërçuku, 600 mijë lekë dhe i kishte premtuar edhe 300 mijë lekë të tjera, për të mos apeluar një çështje pronësie që lidhej me tjetërsimin e 45 mijë metrave katrorë tokë publike në Gjirin e Lalzit. Po ashtu, ai i ka shpëtuar edhe disa atentateteve
