Një konflikt për motive të dobëta ka përfunduar me dy të plagosur mbrëmjen e sotme në Korçë. Ngjarja ndodhi rreth orës 21:30, në lagjen nr. 1, në ambientet e një lokali.
Gjatë sherrit, janë dëmtuar me mjet prerës (thikë) shtetasit S. Sh. dhe M. Xh., të cilët ndodhen në spital jashtë rrezikut për jetën.
Policia ka ndërhyrë menjëherë duke shoqëruar në Komisariat tre persona të dyshuar si autorë të plagosjes: I. Sh., D. P. dhe G. D.
Grupi hetimor, nën drejtimin e Prokurorisë, po vijon punën për të sqaruar plotësisht rrethanat e kësaj ngjarjeje.
