Gjykata e Tiranës vendosi të lërë në burg 61-vjeçarin Shkëlqim Krrashi, i arrestuar dy ditë më parë në Yzberisht, pas kapjes së një laboratorit të përshtatur për përgatitjen e drogës.
Policia bëri me dije se në banesën e Krrashit u gjetën rreth 17 kilogramë lëndë të dyshuar narkotike kanabis çokollatë, e ndarë në 69 paketime, si dhe 22.5 litra vaj kanabisi, me vlerë totale rreth 500 mijë euro. Nga operacioni u sekuestruan gjithashtu një pistoletë dhe një armë gjahu.
Krashi, i cili nuk rezulton me precedentë penalë, deklaroi në seancën gjyqësore se lënda narkotike kishte qëndruar prej vitesh në një automjet në pronësi të tij, ndërsa arma e gjahut ishte me leje.
