Një banor i zonës së Freskut në Tiranë ka ngritur alarmin për zaptimin e hapësirave publike nga ish-kryetari i komunës Kujtim Qefalia dhe dhëndri i tij, Aleksandër Vasili, pronar i lokalit Twist dhe përfaqësues i kompanisë Al-Point. Sipas denoncimit, ata kanë shfrytëzuar situatën e punimeve të rrugës për të rrethuar dhe përvetësuar dy hapësira pranë pallateve, duke i kthyer ato në prona private në funksion të biznesit të tyre.
Banori thekson se përveç lokalit ekzistues, është zënë edhe një tjetër hapësirë publike ngjitur me një pallat tjetër, ku po ndërtohen mure të larta për të krijuar një zonë të mbyllur. Ai shprehet se punimet kanë nisur prej dy javësh dhe nuk ka pasur asnjë ndërhyrje nga bashkia apo institucionet përkatëse, ndonëse janë bërë denoncime dhe thirrje publike për ndalim të këtij abuzimi.
Qytetari kritikon edhe kryeministrin Edi Rama, i cili shpesh bën thirrje që qytetarët të denoncojnë zaptuesit e hapësirave publike. Ai shprehet se megjithëse denoncimet janë bërë, asnjë institucion, madje as bashkia nuk ka reaguar dhe zaptimi vazhdon i pandalur. Sipas tij, fjalët e kryeministrit bien ndesh me realitetin në terren, ku individë të lidhur me pushtetin veprojnë pa asnjë pengesë, ndërsa qytetarët ndihen të braktisur.
“Përshëndetje, jeta është qef! Kam një shqetësim, pasi tek Fresku, Kujtim Qefalia, ish-kryetari i komunës Dajt me gjithë dhëndrin e tij, Aleksandër Vasili i Al-Point vazhdojnë akoma e zaptojnë hapësira publike. Ndërkohë, zoti kryeministër thotë “denonconi këto persona”, këta akoma vazhdojnë e gllabërojnë më shumë hapësira. Mirë hapësirën e vet që kishin një lokal “Twist”, por edhe një hapësirë tjetër ngjitur tek pallati tjetër, duke e kthyer hapësirën e pallatit në parkun e tyre privat. Dhe kanë gjetur momentin e duhur, me pretendimin që bashkia po bën punimet e rrugës, këta po shfrytëzojnë momentin duke zënë këto hapësira. Ju lutem tregojani kryeministrit t’i flasë atyre mbështetësve dhe zaptuesve këtej.
Ju faleminderit. Po zënë 2 hapësira pallatesh. Po bëjnë rrethime me mure të larta të hapësirave publike. Jemi në një lagje. Është dhëndri vetë, që ka pronën dhe po merr hapësirat. Janë akoma, e 2 javë që bëjnë punime dhe askush nuk u vjen. Ato janë hapësira publike që po i zaptojnë, me pretendimin që po bën bashkia punime. Bashkia nuk është fare aty. Po lokali i Gocës te Kujtimit, nuk e ka Kujtimi”, shkruan qytetari/ JOQ.
