Udhëheqësit e Tajlandës dhe Kamboxhias kanë rënë dakord të zbatojnë një armëpushim të menjëhershëm pas ditëve të përleshjeve vdekjeprurëse kufitare, tha kryeministri malajzian Anwar Ibrahim.
“Kamboxhia dhe Tajlanda kanë rënë dakord për një “armëpushim të menjëhershëm dhe pa kushte” duke filluar nga mesnata sipas orës lokale “, tha të sot kryeministri malajzian Anwar Ibrahim, pas ditëve të përleshjeve përgjatë kufirit të kontestuar të të dy vendeve.
Të dy vendet do të organizojnë një takim të komandantëve rajonalë nga palët kamboxhiane dhe tajlandeze nesër, sipas Malajzisë, e cila ndërmjetësoi bisedimet e paqes si kryesuese aktuale e Shoqatës së Kombeve të Azisë Juglindore (ASEAN), bllokut rajonal.
Kryeministri kamboxhian Hun Manet dhe kryeministri në detyrë i Tajlandës Phumtham Wechayachai u takuan në rezidencën zyrtare të Kryeministrit në Putrajaya, pak në jug të kryeqytetit Kuala Lumpur.
Të dy liderët thane se luftimet do të ndalen menjëherë, edhe pse përleshjet vazhduan në orët para bisedimeve të paqes.
