Zbulohet shuma që SPAK dyshon për episod të ri korrupsioni ish-çiftin Meta-Kryemadhi.
Me kartën e dytë bankare që ishte vënë në dispozicion nga biznesmeni shqiptaro-amerikan Adrian Shatku, Meta dhe Kryemadhi kanë shpenzuar rreth 240 mijë dollarë.
Kjo është shuma që është arritur të dokumentohet deri me tani pasi dyshohet se vlera mund të jetë më e lartë dhe për këtë priten të tjera letër-porosi.
SPAK ka administruar disa letër-porosi nga disa shtete të huaja mbi pagesat që janë kryer me këtë kartë të dytë online bankare.
“Shpenzimet e kryera nga Monika Kryemadhi me kartën American Expres Centurion me numër XXXX XXXXXS-31017, për periudhën Dhjetor 2014- Nentor 2017 kapin vlerën 234,677.83 USD. Sipas përshkrimit të llojit të shërbimit, pagesat e kryera nga Monika Kryemadhi jane kryesisht për blerje ne dyqanet e veshjeve në Londër, Vjenë, Las Vegas, Beverly Hills; pagesa të qëndrimit në hotel në Lbndër, New York dhe Las Vegas si dhe bileta avjoni për udhëtimet”, thuhet në raportimin dymujor të SPAK për çështjen e Ilir Metës.
Ish-presidenti Meta më herët ka mohuar të ketë lidhje me këtë kartë bankare duke u distancuar nga veprimet e ish-bashkëshortes.
Në seanën gjyqësore, Ilir Meta u shpreh se mban përgjegjësi vetëm për veprimet e tij dhe jo të ish-gruas./ Ora News
