Katër gabina ruloti janë përfshirë nga zjarri, rreth orës 21:00 të mbrëmjes së djeshme në fshatin Maknor të Tiranës.
Rulotat janë në pronësi të shtetasit A. T., 42 vjeç, teksa ende nuk dihet nëse kemi të bëjmë me zjarr-vënie të qëllimshme apo aksidentale.
Policia thotë se grupi hetimor po vijon punën për përcaktimin e saktë të rënies së zjarrit, ku paraprakisht dyshohet ngjarje aksidentale.
“Me datë 27.06.2025, rreth orës 21:00, në fshatin Maknor, ka rënë zjarr dhe janë djegur 4 gabina ruloti në pronësi të shtetasit A. T., 42 vjeç. Grupi hetimor vijon punën për përcaktimin e saktë e rënies së zjarrit, ku paraprakisht dyshohet ngjarje aksidentale.” – thuhet në njoftimin e bluve të kryeqytetit.
