Prokuroria e Posaçme ka mbyllur hetimet dhe ka marrë të pandehur presidentin e Partisë së Lirisë, Ilir Meta dhe Monika Kryemadhin, për dosjen ÇEZ-DIA, lobimin në SHBA.
Meta dhe Kryemadhi dyshohen se kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t’i fshehin, duke mos i deklaruar në ILDKPI dhe KQZ.
Në orën 12:00, SPAK do t’u komunikojë akuzat zyrtare.
