Në dosjen e Antimafias italiane, lidhur me operacionin ndërkombëtar “Ura”, jepen detaje nga organizata kriminale shqiptare me bazë në Durrës e cila bashkëpunonte me grupet kriminale në Itali për trafikun e drogës.
Sipas dosjes së siguruar, organizata me bazë në Durrës drejtohej nga Xhevdet Troplini, i njohur edhe m parë për trafikun ndërkombëtar të drogës jo vetëm në Shqipërisë dhe Itali, por edhe në Gjermani.
Dosja e Antimafias tregon se ishte i penduari i drejtësisë, Nuredin Dumani, që nëpërmjet dëshmive të tij çoi në goditjen e organizatës së Troplinit.
“Lidhur me metodat e furnizimit me heroinë nga Shqipëria, kanë dalë në pah marrëdhënie të tjera të rëndësishme, që synojnë zbatimin e furnizimeve me heroinë dhe kokainë për t’u importuar në Itali, midis COBA Adi dhe shtetasit shqiptar DOCI Elvis i njohur si “Visi i Pojës”, një anëtar kryesor i grupit kriminal të kryesuar nga xhaxhai i tij Xhevedet TROPLINI i njohur si “Poja”, i dedikuar për trafikun ndërkombëtar të drogës, me degë në Shqipëri, Itali dhe Gjermani. Lidhur me operacionet dhe natyrën kriminale të shoqatës që i atribuohet Xhevedet Troplinit, si dhe duke iu referuar marrëdhënieve midis Elvis Doçi dhe Adi COBA-s, i njohur si “Bazholi”, bashkëpunëtori i drejtësisë shqiptare Dumani Nuredin, i marrë në pyetje në Tiranë si pjesë e Ekipit të Përbashkët Hetimor në proces midis D.D.A.-së të Barit dhe të SPAK-ut shqiptar”, thuhet në dosje.
