Banorët e Hotolishtit prej 4 muajsh protestojnë kundër autostradës “Elbasan-Qafë Thanë”, që u prish banesat e tyre.
Ata kanë vendosur dhe një arkivol për ti treguar qeverisë se nuk do të heqin dorë dhe do të mbrojnë shtëpitë e tyre deri dhe me jetë.
“Hotolishti është gati të përgjigjet, ose ne, ose ju”, shkruhet në një pankartë të vendosur pranë arkivolit.
Protesta është shoqëruar me tensione, ndërsa ka pasur edhe përplasje me policinë. Banorët janë ulur në mes të rrugës, ndërsa pjesë e demonstratës janë bërë edhe fëmijët.
Ata kanë kërkuar takim me ministren Belinda Balluku, e cila pak ditë më parë kishte deklaruar se do të shkonte, por më pas e anuloi.
“Kushdo që synon të prekë Hotolishtin pa konsensus do të përballet me rezistencë të paepur. Çdo ndërhyrje pa marëveveshje të drejtë me banorët do të kthejë situatën në një rrugë pa kthim. Hotolishti ka burra e gra që do i dalin zot vendit të tyre deri në fund. Ne nuk kërkojmë përplasje por kërkojmë zgjidhje demokratike, transparente e sociale’ thote nje banor.
