Një prind ka bërë një denoncim lidhur me trajtimin e fëmijës së tij në kopshtin privat “BUCKO” në Tiranë teksa thuhet se fëmija është sulmuar për dy ditë me radhë nga një tjetër fëmijë në institucion, ndërsa stafi pedagogjik dhe drejtuesit janë akuzuar për mosreagim dhe përpjekje për të fshehur ngjarjen.
Familjarët thonë se fillimisht janë informuar vetëm pas shfaqjes së shenjave fizike në trupin e fëmijës ndërsa gjatë përballjes me drejtuesit e institucionit, është pretenduar se janë shfaqur vetëm pjesë të përzgjedhura të pamjeve nga kamerat e sigurisë.
Po ashtu prindi i fëmijës ka deklaruar gjithashtu se gjatë një momenti të tensionuar, është filmuar fshehurazi nga stafi i kopshtit. Ndaj institucionit është bërë tashmë një kallëzim zyrtar pranë Komisariatit përkatës të Policisë.
