Një person mbeti i plagosur pas të shtënave me armë zjarri në zonën e Digës së Liqenit, në Tiranë.
Mësohet se 7 persona kanë qenë të ulur së bashku në një tavolinë brenda në restorant te rruga “Sami Frashëri” kur 2 prej tyre janë konfliktuar me fjalë dhe më pas kanë goditur njëri-tjetrin.
Njëri prej tyre nuk i ka dhënë dorën tjetrit dhe ky i fundit është ndjerë i ofenduar. Menjëherë ka nisur nj përplasje fizike mes tyre me karrige dhe gjatë sherrit është qëlluar me armë zjarri. I plagosur ka mbetur një person i cili është shoqëruar pë rtë marrë ndihmë mjekësore në një spital privat.
Sapo ka mbërritur brenda në lokal policia ka konstatuar një gëzhojë dhe njollat e gjakut brenda ambientit të restorantit ku ndodhi konflikti, po ashtu ka sekuestruar edhe armën e zjarrit tip pistoletë.
Megjithatë deri tani nuk ka një njoftim zyrtar nga policia.
