Një aksident hekurudhor është regjistruar këtë të hënë në Greqi, ku një tren pasagjerësh është përplasur me një kamion në zonën e Kalkidës.
Ngjarja ka ndodhur në linjën hekurudhore periferike Halkida-Athinë, konkretisht në Vathy të Avlidës, pranë Kantiereve Detare.
Në momentin e përplasjes, në bord ndodheshin 45 pasagjerë. Fatmirësisht nuk raportohet për persona të lënduar.
Sipas informacioneve paraprake, kamioni dyshohet se ka kaluar një kalim hekurudhor automatik pa respektuar sinjalistikën, çka ka sjellë përplasjen e tij nga treni në pjesën e pasme.
Përplasja ka shkaktuar dëme materiale si në tren, ashtu edhe në kamion. Autoritetet greke kanë nisur hetimet për zbardhjen e plotë të rrethanave të aksidentit.
