Aktori i njohur Laert Vasili ka rrëfyer një histori tronditëse të jetës së tij.
Në “Big Brother Vip Albania, aktoriku zbuloi se në moshën 9-vjeçare është abuzuar nga fqinji i tij. Vasili tha se këtë histori e ka mbajtur sekret për 42 vite dhe se nuk e ka tejkaluar ende plotësisht.
“Kam lindur në 7 mars 1974. Linda nga dy prindër që ishin ushtarakë dhe jetova në Delvinë deri në moshën 5 vjeçare. Ndiqja shkollën “11 janari” në Tiranë dhe kohën më të madhe isha i vetëm. Shpeshherë prindërit mund të vinin edhe pas 2-3 ditësh në shtëpi. Në moshën 9-vjeçare ndodh diçka që nuk do e harroj për gjithë jetën. Një fëmijë nëntë vjeç që abuzohej nga komshiu i tij. Dhe kjo për 42 vite ka qenë brenda meje. Nuk tregoja se kërcënohesha se do të dhunohesha shumë keq. Ai mbante çelësat e shtëpisë, ishte njeri i besuar. Nuk e kam tejkaluar thjesht e kam mbyllur te ai sirtari i errët që nuk dua ta hap. E kam mbajtur këtë për vete. Në moshën 10 vjeçare kur u transferuam në Sarandë isha shumë i lumtur, po ikja nga Tirana”, tha ai.
