Në fillim të ndeshjes Angli – Shqipëri në Londër, Tifozat Kuq e Zi të Kombëtares i kanë dërguar një sinjal kreut të FSHF-së, Armand Duka.
“Futbolli nuk është biznes, është pasion. 21 vite prezent, nuk na largon dot, FSHF mafia”, shkruhet në banderolën shpalosur në tribunë.
Kujtojmë se mes TKZ dhe FSHF-së ka një përplasje të hapur pasi institucioni i futbollit vendosi që mos ketë bileta të dedikuara për grupimin e Kombëtares, por të gjitha të dalin në shitje online.
Përplasja thuhet se ka lindur pas kundërshtimit të TKZ-së për organizimin e Europianit të moshave U-21 me Serbinë diçka që FSHF e ka quajtur të patolerueshme.
