Janë zbardhur identitetet e katër të rinjve që humbën jetën në aksidentin e rëndë të ndodhur mbrëmjen e djeshme në aksin Fushë-Krujë-Vorë, në zonën e Fushë-Prezës.
Viktimat janë identifikuar si:
• Enejdi Laçi (25 vjeç) – shoferi i automjetit “Mercedes Benz”
• Erildi Laçi (20 vjeç) – pasagjer
• Andi Laçi (22 vjeç) – pasagjer
• Enrikejd Kurti (24 vjeç) – pasagjer
Tragjedia bëhet edhe më e rëndë pasi dy prej viktimave, Enejdi Laçi, Erildi Laçi dhe Andi Laçi, ishin vëllezër. Ata po udhëtonin së bashku me mikun e tyre Enrikejd Kurti kur automjeti i tyre u përplas dhunshëm me një betoniere dhe shpërtheu në flakë.
Pavarësisht mbërritjes së menjëhershme të policisë rrugore dhe një mjeti zjarrfikës nga Kamza, ishte tepër vonë për të shpëtuar jetët e tyre.
Ndërkohë, shoferi i betonieres është identifikuar si Aleksandër Krrashi, 24 vjeç.
Ai u largua nga vendngjarja pas aksidentit, por policia arriti ta lokalizojë dhe ta shoqërojë në komisariat për të dhënë dëshminë e tij.
