Prokuroria e Gjirokastrës ka lëshuar 16 masa sigurie për punonjës të OSHEE-së. Punonjësit e energjitikës akuzohen për shpërdorim detyre.
Masat e lëshuara nga Gjykata e Gjirokastrës me kërkesë të Prokurorisë u ekzekutuan mëngjesin e kësaj të mërkure nga Policia.
Shumica e masave të sigurisë janë “Arrest në burg”, ndërsa të tjerat janë me “detyrim paraqitjeje”. Burime për mediat bëjnë me dije se në pranga kanë rënë faturistë, teknikë dhe zyrtarë të OSHEE të rajonit jugor.
