Anila Ndoka, nënë e 3 fëmijëve, mbeti e plagosur rëndë pasi u qëllua me plumb në kokë nga Kole Manaj, me të cilin bashkëjetonte prej 5 vitesh.
34-vjeçari qëlloi partneren e tij, e më pas veten.
I afërmi i Kolë Manaj, në një intervistë News24, ka dhënë detaje mbi ngjarjen. Sipas të afërmit, Manaj ka bërë diçka të cilën Anila nuk ia ka falur dot.
Ndër të tjera, e përshkruan 44-vjeçaren si një grua të përkushtuar.
“Kanë pasur disa konflikte kohët e fundit por menduam se gjithçka do të rregullohej. Kishin vite bashkë dhe ishin shumë njerëz të mirë, atë e kam si motër. Nuk e di a do të shpëtojë apo jo, por unë e kam si motër. Nuk e di, ai vetëm për atë që ka bërë Anila për babanë e tij nuk ishte dashur të bënte asnjë veprim. Nuk kanë pasur fare xhelozi për të. Kola ka qënë i martuar më parë shumë pak kohë. Nuk e di çfarë problemi kishin, por kishin një debat dhe ky i kërkoi shumë falje por ajo nuk e fali”, tha ai.
