Aleanca Konservatore Për Shqipërinë ka nisur procesin e mbledhjes së 5000 firmave të nevojshme për t’u regjistruar në zgjedhjet e ardhshme.
Avokati Altin Goxhaj përmes një postimi në rrjetet sociale, ftoi qytetarët të firmosin për të mundësuar pjesëmarrjen e partisë në garën elektorale.
Ai theksoi se nënshkrimi nuk përbën një votë për partinë, por thjesht një mbështetje për të drejtën e saj për t’u përfshirë në fletën e votimit.
Sipas ligjit zgjedhor në fuqi, partitë politike që nuk kanë përfaqësim në Kuvend duhet të mbledhin 5000 firma për t’u regjistruar në zgjedhje.
Goxhaj shtoi gjithashtu se qytetarët kanë të drejtë të firmosin për më shumë se një parti.
Postimi i plote
Çdo ditë para derës së Veliajt në Bashkinë Tiranë mbledhim 5000 firmat për Aleanca Konservatore Për Shqipërinë që të regjistrohemi në Zgjedhje (partitë që nuk kanë deputetë duhet të mbledhin 5000 firma).
Kur bie shi, nën strehën e kollonave të Pallatit të Kulturës përballë Xhamisë.
Nuk po kërkojmë votën por veç të drejtën për tu regjistruar në Fletën e votimit (sipas ligjit mund të firmosni për sa parti të doni).
Ju faleminderit
View this post on Instagram
