Anëtari i Këshillit Drejtues i RTSH, Edmond Tullumani, është prova e qartë për farsën, klientelizimin dhe paligjshmërinë e zgjedhjes së drejtorit të RTSH.
Siç e konfirmon ky dokument ekskluziv, Tullumani ka votuar për përjashtimin nga gara për drejtues të RTSH-së të tre kandidatëve që plotësojnë kriteret si dhe ka votuar për konfirmimin e dy kandidatëve, njëri nga të cilët është drejtoresha aktuale e komanduar Aurora Polo, e cila nuk plotëson kriteret. Konkretisht, zonja Polo nuk përmbush nenin 10, pika ç të statutit të RTSH: Të ketë përvojë pune jo më pak se 10 vjet, nga të cilat 5 vjet pozicione menaxhimi në media, institucione publike (jo administratë), sektori privat, në shkenca komunikimi, teknologji komunikimi dhe digjitale.
Po çfarë e shtyu Edmond Tullumanin që të shkelte ligjin për Aurora Polon, duke vënë në lëvizje edhe Kuvendin, i cili ka paralajmëruar se do të marrë masa drastike ndaj anëtarëve të Këshillit Drejtues të RTSH-së?
Faktet tregojnë se arsyet janë qartësisht korruptive dhe klienteliste. Më konkrerisht, Aurora Polo ka emëruar dhëndrin e Edmond Tullumanit, Elton Metaj, shef kabineti të drejtorit të RTSH, pra të kabinetit të saj. Jo vetëm kaq, por dhëndri i Tullumanit është praktikisht (jo me letra) drejtor i informacionit në RTSH.
Vajza e Edmond Tullumanit, Romana Tullumani, ishte pjesë e jurisë së Festivalit të 63 të RTSH, bashkë me Alma Bektashi, Ylljet Aliçka, Merita Rexha Tërshana, Florent Boshnjaku dhe Jonida Maliqi. Juria e Festivalit ngrihet me vendim të Drejtorit të Festivalit. Drejtori i Festivalit është drejtori i RTSH, pra Aurora Polo. Sipas rregullores, emërimi dhe shkarkimi i kryetarit dhe i anëtarëve të Jurisë së Festivalit bëhet me vendim të Drejtorit të Festivalit me propozimin e Drejtorit Artistik të Festivalit. Drejtori Drejtori i Festivalit emërohet nga drejtori i RTSH, pra nga Aurora Polo.
Nuk vëmë në dyshim aftësitë e saj, por caktimi i Romana Tullumanit si pjesë e jurisë së festvalit është një qokë e Aurora Polos për babanë e Romanës, Edmond Tullumani. Në këmbim të këtyre interesave, Edmond Tullumani shpërdoron funksionin publik, duke mbështetur qorrazi me votë Aurora Polon për drejtuese të RTSH, në shkelje të ligjit.
Në RTSH e ka marrë rrogën edhe bashkëshortja e Edmond Tullumanit, Ranja Kovaçi. Zonja Kovaçi u shkarkua pasi nuk shkonte në punë, por qëndronte te çadra e Lulzim Bashës dpara Kryeministrisë në vitin 2017, duke kërkuar qeveri teknike dhe mbështetur Republikën e Re. “Ranja Kovaçi, arsyeja e zemërimit dhe shpërthimit tim të paraditshëm, që u largua padrejtësisht nga TVSH ditën e sotme…“, tha Basha në 4 mars 2017, në çadrën e Republikës së Re.
Në këtë formë, me fije interesash korruptive, Aurora Polo ka ‘lidhur’ edhe anëtarët e tjerë të Këshillit Drejtues, të cilët me paligjshmërinë e tyre po provokojnë Kuvendin për t’i shkarkuar në bllok. Dikujt i ka dhënë një projekt, dikujt tjetër i ka punësuar familjarët në RTSH, me dikë tjetër, siç është Ilir Keko, ka bashkëpunuar kur ishin te Albafilm për të tjetërsuar pronat publike./PRAPASKENA
